بابەتی١
ڕوکنی پێنجەمین
لە کتێبی:
بارانی ڕەحمەت
بەرهەمی:
مەلا عەبدولکەریمی مودەڕیس (1901-2005)
5 خولەک
610 بینین
ڕوکنی پێنجەمین بە ئیستیقامەت
باوەڕە بەوە ڕاستە قیامەت
ئەم دونیا ئەڕوا عالەمێتر دێ
جەزای کردەوەی تیادا دێتە جێ
هەرکەس جەزای خۆی پێ ئەگا سەرپاک
خراپ بۆ خراپ، چاکە لەبۆ چاک
پێی نیشان داوین سەییدی سادات
لەبۆ هاتنی بەعزێ عەلامات
وەکوو بێرەحمی گەورە و سەرداران
وەکوو بێشەرمی لای هەرزەکاران
فەرمان ئەدرێتە دەستی نائەهل
عیلم کەم ئەبێ و غاڵب ئەبێ جەهل
زۆر ئەبێ مەکر و غەش و خەیانەت
کەم ئەبێ ڕاستی و وەفا و ئەمانەت
لادانی ئەولاد لە ڕێگەی سەواب
بێ ئەدەب ئەبن لەگەڵ دایک و باب
بە پێچەوانە بەشەر ئەبینین
ئەمین بە خائین، خائین بە ئەمین
دونیا پڕ ئەبێ لە فەساد و شەڕ
خۆشی نامێنێ بۆ دڵی بەشەر
ئینسانی عاقڵ مەبهووت و حەیران
سەرگەردان ئەبێ لە وەزعی زەمان
ڕابوورێ بەلای قەبرێکی نۆدا
ئەڵێ خۆزگا من ئەبووم لەو جێدا
بێجگە لەمانە یێتە سەر بیسات
لەبۆ قیامەت گەلێ عەلامات
وەکوو فەرموویە تەواو ڕوو ئەچێ
سێ پارچە زەوی نامێنێ لە جێ
یەک لە خۆرهەڵات، دوو لە خۆرنشین
سێ لە جەزیرەی عەرەبا یەقین
وەک دەرکەوتنی سەفیانی کافر
وەکوو دەرچوونی دەجاڵی ساحیر
وەک دەرکەوتنی مەهدی لەو دەما
لەگەڵ نزوولی عیسا لە سەما
هاتنی «يأجوجعەرەبی» و «مأجوجعەرەبی» بە جەفا
دەرچوونی «دابّةعەرەبی» لە خاکی سەفا
هەم هەڵاتنی ڕۆژ لە خۆرنشین
بە غەیری عادەت وەکوو ئەیبینین
دونیا پڕ ئەکا دووکەڵێکی ڕەش
لە عەدەن دەریێ ئاگرێکی گەش
لەپاش ئەمانە نەفخی «فيالصّورعەرەبی»ە
کاتی وێرانی دونیای مەعموورە
کێوانی زەوی شی ئەکرێنەوە
ئاسمانەکان ئەپێچرێنەوە
زەوی ئەگۆڕێ بە دەشتێکی ساف
تیایا نامێنێ لاری و ئیختیلاف
پاش موددەی چل ساڵ چۆڵی مەعموورە
زیندوو بوونەوە بە نەفخی سوورە
لەپاش بەیانی بەعزێ عەلامەت
لە پێش بەیانی وەزعی قیامەت
وەزعی بەرزەخت بۆ ئەکەم بەیان
لەسەر بەیانی عولەمای ئەعیان
ئینسان لەو وەختا خەریکە بمرێ
ئەگەر لە ڕیزی چاکان بژمێررێ
موژدەی پێ ئەدەن فریشتەی ئەخبار
بە ڕەحم و لوتفی خالیقی غەففار
پاش مردن ڕۆحی ئەبەن بە سەفا
بۆلای ئەڕواحی زومڕەی عورەفا
خوا نەکەردە گەر لە ناپاکانە
جێی تانە و لۆمەی مەلائیکانە
پاش مردن ڕۆحی ئەبەن بە زەحمەت
بۆلای ئەڕواحی ئەهلی مەعسیەت
«والحاصل» ڕۆحی زۆر خەبەردارە
لە ئەشقیایە یا لە ئەخیارە
لە حاڵی لاشەی هەم باخەبەرە
شۆرین و بردن لەبۆ مەقبەرە
ئەمما نازانێ خۆیەتی ئەبرێ
هەتا لە قەبرا باش قەرار ئەگرێ
***
کە دایانپۆشی لە قەبری تەنگا
بەجێ ما لە ژێر ئەو سیا سەنگا
ئاگادار ئەبێ لە ئەحواڵی خۆی
کە خۆی مردووە قەبرە بوو بە جێی
جا دێ بەسەریا وەزعی گۆڕەوشار
لەپاش ئەم وەزعە وەزعی پرسیار
یانێ فریشتەی سوئال دێنە لای
لەبۆ تەحقیقی باوەڕی دونیای
خوا و پێغەمبەر، ئیمام و دینی
کێن و کامەیە؟ چییە ئایینی؟
گەر جوابی داوە بە باشی ئازاد
فەورەن قەبرەکەی بۆ ئەبێ گوشاد
لەلای ئەو ئەبێ بە سارا و بە دەشت
پێی نیشان ئەدەن جێی خۆی لە بەهەشت
ئەگەر نەزانێ بەیانی جواب
موبتەلا ئەبێ بە ئێش و عەزاب
یا ئەبڕێتەوە لە قەبرا عەزاب
یا دەوام ئەکا تا ڕۆژی حیساب
هەرچی ناخۆشی و خۆشی مردووە
هەمووی بەوێنەی حاڵی نووستووە
ئەوزاعی ڕۆحە ئەحواڵی غەیبە
لای خودا سەهلە و بەری لە عەیبە
ئەمە بەرزەخە تا کاتی مەحشەر
حەیاتی تازە دێتۆ بۆ بەشەر
وەکوو زوو وتمان بە نەفخەی دووهەم
زیندوو ئەبنەوە مەخلووقات سەرجەم
زاهیری نوسووس ئیفادە ئەکا
بەعس بە جەمعە بۆ هەموو ئەجزا
گرد ئەکاتەوە هەموو ئەعزای تۆ
ئێسک و ڕەگ و گۆشت، وردە ئەجزای تۆ
ئەو ئەعزا کۆبن یا پرژ و بڵاو
خوراو یا سووتاو یا بە خاک ڕزاو
ماددەی ئەجزاکان هەموو مەوجوودن
مەشموولی عیلمی خودای مەعبوودن
گرد بن یا بڵاو لای ئەو بێفەرقە
عالم و قادر خالیقی خەلقە
بە ڕیوایەتی مەفهوومی حەدیس
کە فەرموویەتی ڕەسوولی ڕەئیس
جوزئێ لە لاشە لە ڕزان دوورە
بە «عجب الذّنب» ناوی مەشهوورە
لەسەر ئەو جوزئە ئەندامی ئینسان
دروست ئەبنەوە بە ڕێکی دیسان
گشت کەس ئەزانێ کێیە و کوڕی کێ
ئەهلی شار بووە یا دەوار یا دێ
چۆن بوو ڕەفتاری لە دەورەی دونیا
چارە ڕووناک بوو یا چارە سیا
***
ڕووناک ئەبێ ئەرز بە تەجەللای زات
مەخلووقات ئەبرێن لەبۆ عەرەسات
مەخلووق ئەکەونە ترسان و دەهشەت
دایان ئەپۆشێ حیجابی وەحشەت
هەرکەس مەشغووڵی نەفسی نەفسییە
خەمباری ئێش و دەردی شەخسییە
جا تکا ئەکا سەییدی سەروەر
بۆ ڕزگار بوونیان لە هەوڵی مەحشەر
جا وێنەی باڵدار دەفتەری ئەعمال
ئێت لەسەر ئەمری خودای «ذي الجلالعەرەبی»
ئەدرێتە دەستی ڕاستی سوعەدا
وەرئەگرن موژدەی ئەلتافی خودا
هەرکەس بەدبەخت بێ ئەدرێتە دەستی
چەپی لەلای چەپ یا لەلای پشتی