بابەتی٩
ڕۆژووی سوننەت
لە کتێبی:
بارانی ڕەحمەت
بەرهەمی:
مەلا عەبدولکەریمی مودەڕیس (1901-2005)
1 خولەک
836 بینین
ڕۆژووی سوننەتیش گەلێ ئیحسانە
باعیسی قەدر و قورسی میزانە
شەش ڕۆژی شەوال لەپاش ڕەمەزان
نۆ ڕۆژەی ئەووەڵ لە مانگی قوربان
مەخسووس عەرەفە بۆ غەیری حەجاج
لەبۆ ڕۆحی تۆ ئەبێ بە میعراج
نۆهەم و دەهەم لەگەڵ یازدەهەم
لە ڕۆژەکانی مانگی موحەڕڕەم
سیازدە و چوارە و پازدەی بەناوبانگ
سێ ڕۆژەی ئاخر لە ژمارەی مانگ
ڕۆژی دووشەممە لەگەڵ پێنج شەممە
باعیسە لەبۆ خەیر و مەرحەمە
غەیری ئەمانەیش کراون بەیان
بڕۆ بپرسە لە عولەماکان