بابەتی٦٨
بانگ کردنی پیاوە گەورەکان بۆ ئیسلامییەت
لە کتێبی:
بارانی ڕەحمەت
بەرهەمی:
مەلا عەبدولکەریمی مودەڕیس (1901-2005)
1 خولەک
674 بینین
زۆر بانگی فەرموو لە ساحێب جاهان
کاغەزی نووسی بۆ پادشاهان
بۆ «قەیسەری ڕۆم»، بۆ شاهی «کیسرا»
بۆلای «موقەوقەس» لە خاکی میسرا
بۆ «عەبد» و «جیفر» دوو شاهی عوممان
بۆ «هۆزەی عەلی» یەمامە مەکان
بۆ «شاهی بەحرەین» ساحێب مەرحەمە
بۆ شاهی حەبەش یەعنی «ئەسحەمە»
بۆلای «حادیس»ی غەسسانی نەسەب
پادشای غوتەی بێحیلم و حەسەب
کاغەزی نووسی بۆ «فەروە»ی سەروەر
ساکنی مەعان تابیعی قەیسەر
کاغەزی زۆرە بێجگە لەمانە
بەعزێکیان ماون ئەو کاغەزانە
بەعزێ جوابیان پڕ بوو لە ئەدەب
وا کە لایق بێ بە مەولای عەرەب
بەعزێکیان دوور بوون لە شێوەی کەرەم
بە وێنەی «پەروێز خوسرەو»ی عەجەم
بەعزێ گەیشتن بە نووری ئیمان
وەکوو «نەجاشی» و «مەلیکی عەممان»