جانا بەخودا باوەڕ ئەکەی ئاگری دووری
لە کتێبی:
دیوانی سابیری
بەرهەمی:
سابیری (1881-1944)
1 خولەک
567 بینین
جانا بەخودا باوەڕ ئەکەی ئاگری دووری
بەربوو لە زەل و پووشی بیابانی سەبووری
حەیفە بە قسەی ناکەس و ئەغیار عەزیزم
خۆت عاجز ئەکەی لەم هەموو خزمانە ئەبووری
ناکەس دڕکە ڕووی مەدەرێ ئەی گوڵی ناسک
ئەو هەورە نزیکی مەکەوە چونکە تۆ خووری
دوودی نەفەسی سوفلە غەم و دەرد و بەڵایە
دووربێ لە لەشی نازکی تۆ، عەینی بلووری
وێنەی نییە ئاوێنەیی حوسنت لە بەشەردا
حووری سیفەت و دولبەر و بێ عەیب و قسووری
تا تووری دڵم موحریقە بەم نووری جەبینە
وەڵڵا لە دڵمدا نییە ئارام و سەبووری
سەرگەشتە و شێواوە شەوێ شێوەیی تۆی دی
سابیرناسناوی ئەدەبی بە یەقین تێگەییوە کۆمەڵی نووری