ئەلا ئەی پیری ئاخرشەڕ ڕەئیسی قەوم و سەرخێڵی
لە کتێبی:
دیوانی سابیری
بەرهەمی:
سابیری (1881-1944)
1 خولەک
679 بینین
ئەلا ئەی پیری ئاخرشەڕ ڕەئیسی قەوم و سەرخێڵی
هەتاکەی غافڵ و مەستی لەسەر تەخت و قەراوێڵی؟
شەوی گەنجی نەما هەڵسە لە خەو، سەیری کە ئاوێنە
ئەڵێ: ئەی پیری نازیرەک هەتا کەی خوویی جاهێڵی؟
ئەجەل ئامادەیە بۆ تەخت و تاراجت، چ عەقڵێکە؟
خەریکی گردوکۆی ماڵی، سبەی بۆ خەڵکی جێ دێڵی
لەلات وایە بە شاڕێدا ئەڕۆی و ڕووت لە مەقسوودە
وەڵی ڕێگەی دزانە، ناگەیە مەقسوودی خۆت، وێڵی!
تەماشا کە لە پانی ئەرز و تەنگی چاوی دونیادار
چ چاوبرسین بە جووتیار ئەمر ئەکەن بۆ ڕێگە ناکێڵی؟
زەمینی بێ نیزاع و منبتدەقی نائاشکرا و ئەعلا ئەگەر مابێ
سەری گۆنایە ئاوی ئەشکی چاوە جەرگە ئەستێڵی
کە زاریع مەردوم و بێڵی موژەی فرمێسکی ئاوی بێ
لە ئەرزی ڕوو ئیرەم پەیدا ئەکەی گەر بێ فڕوفێڵی
هەتا ماوی عیلاجی ڕێگەیی تووشەی قیامەت کە
چ لازم ماڵ و موڵکت بۆ کوڕی ئەحمەق بەجێ بێڵێ
شەوی پیری وتی سابیرناسناوی ئەدەبی جەوانیی بێوەفا ڕۆیی
وتم تۆش ئاخری عومرم ئەبێ ڕۆژێ بەجێم بێڵی