ئەی دڵ ئەگەر بەڕاستی ئیتاعەی خودا ئەکەی
لە کتێبی:
دیوانی سابیری
بەرهەمی:
سابیری (1881-1944)
2 خولەک
630 بینین
ئەی دڵ ئەگەر بەڕاستی ئیتاعەی خودا ئەکەی
موتابەعەی شەریعەتی حەزرەتی موستەفا ئەکەی
فەڕزی خوا و سوننەتی حەزرەتی موستەفا بکە
تەسەووری لە داستانی ئادەم و حەوا ئەکەی
ئەگەر ئاگر ئەهاوییە دڵ و ئەبیتە هاوییە
و ما ادراك ماهيهعەرەبی بە دەست و پێ سەما ئەکەی
شەو بە کلیلی زیکرەوە تا بە سەحەر بپاڕەوە
گەر تەڵەبی خەزائینی مەراحیمی خودا ئەکەی
سەماوەری دەروونی خۆت بە ناری عەشق بهێنە جۆش
شەککەر و چایی حازرە سابیریناسناوی ئەدەبی مەیلی چا ئەکەی
نییەت و حوسنی کردەوە فیکری نیهان و زیکری سڕ
وەرنە خودا بە تەپڵ و دەف ناخەڵەتێ ڕییا دەکەی
یادی خودا ئەگەر ببی مەیلی گوناهـ کەی ئەکەی
دووری لە ئافات و بەڵا، خەڵق و خودا ڕەزا ئەکەی
فیکری خودا دەلیلی تۆ زیکری زوبان کلیلی تۆ
ڕوو بکە بابی مەرحەمەت تا هونەرێ پەیا ئەکەی
ژەنگ و غوباری قەلب و ڕوو، چڵکی لیباس و دەست و پا
بشۆ! بشۆ گەر هەوەسی مەجلیسی پادشا دەکەی
ئەگەر شەوێ تەفەڕڕوجێ بکەی لە سونعی کردگار
عەزیزی من لە گورگی خەو میسالی مەڕ هەڕا ئەکەی
خودا نەزەر لە حوسنی نییەت و دڵی بەشەر ئەکا
چاکە نیشانی خەڵک ئەدەی خەراپە ژیر پا ئەکەی
خەشیەت و خەوفی زولجەلال عەشق و حوبی موستەفا
تا نەچەقێ لە سینە کەی موخالەفەی هەوا ئەکەی
تێبگە عز من قنععەرەبی لادە لە ذل من طمععەرەبی
حاسڵ ئەکەی ڕەزایی حەق، حەق لە بەتاڵ جودا ئەکەی
عەشقت ئەگەر حەقیقەتە مەناڵە گەر شەقیقەتە
وەرنە مەجاز و بیدعەتە سابیریناسناوی ئەدەبی هووی و ها ئەکەی