جەژن و تەرەب و شادییە ئەییامی بەهارە
لە کتێبی:
دیوانی سابیری
بەرهەمی:
سابیری (1881-1944)
1 خولەک
424 بینین
جەژن و تەرەب و شادییە ئەییامی بەهارە
وادەی گوڵ و بادەی مول و ناڵینی هوزارە
تا مەددی نەزەر سەبزە و گوڵزارە سەراسەر
نوورین و موعەتتەر بە ڕوخ و زولفی نیگارە
ئەحباب هەموو جەمعە لەبن سێبەری دارا
سەحرایە تەماشایە لەبۆ جوی و کەنارە
مەعشووقە بە کامی دڵە المنةللهعەرەبی
خوسرەو کە ئەڵێن، نەیبووە ئەم بووس و کەنارە
عاشق دڵی وەک مەجمەرە پڕ ئاگر و پشکۆ
مەجنوون سیفەت و بێ خەبەر و سەبر و قەرارە
ساقی وەرە ئاوێ بەسەر ئەم ئاگرەدا کە
ڕۆحم بە فیدای گەردوشی ئەم چاوە خومارە
ڕیشەی دڵ و جەرگم بە غەم و غەمزە بە جارێ
دەرهاتووە بۆم تێکە شەرابێکی دووبارە
لەو ئاوە کە تریاکە ئەبا زەهری غەمی دڵ
لەو ئاوە کە وا مەسقەلی ئەکدار و غوبارە
دەرمانی غەم و دەردی دڵن ساقی و موتریب
خۆزگەم بە کەسێ مەی لە یەمین نەی لە یەسارە
ئازا بە، بە خۆڕایی نەچێ عومری عەزیزت
بێ ساقی و مەی، موتریب و نەی سەرفی خەسارە
مشتێکە نموونەی غەمی دڵ دێنمە دەفتەر
وەرنە غەمی سابیرناسناوی ئەدەبی بە عەمار و بە تەغارە