ئەی یووسفی گومگەشتە سەرێ دەرکە لە پەردە
لە کتێبی:
دیوانی سابیری
بەرهەمی:
سابیری (1881-1944)
1 خولەک
583 بینین
ئەی یووسفی گومگەشتە سەرێ دەرکە لە پەردە
ئیحسانە نیشاتێ بە دڵ و جانی بەشەر دە
فەرموو کە بە شمشادی قەد و تەلعەتی بەدرت
پەستی بە سنەوبەر دە شکستی بە قەمەر دە
بەو چاوە حەکیمانە تەماشا کە لە ڕەنگم
بۆچ وایە کە چوارفەسڵە وەکوو پایزی زەردە؟
قەند و شەکەرت هەر بەشی ئەغیارە بە فەرغوون
سەوقات و بەشی ئێمە غەم و دەردە بە فەردە
کێ بێ کە بە شمشێری برۆت سەر نەخەوێنێ
بۆچ چاو و برۆت مائیلی دەعوا و نەبەردە؟
شاهم ئەمەگت زۆرە نەوا تووشی زیان بی
شاڕێ بگرە ئەو دزە ڕێی ناحەقە بەردە
تێکەڵ بکە ماچێک و جنێوێک موتەساوی
ماچت شەکەر و لەفز و جنێوت گوڵ و وەردە
سابیرناسناوی ئەدەبی سەری تەسلیمی کە دانا لەبەری پێت
بۆ کوشتنی بەس دامەنی نازک لە کەمەر دە