ئەی دڵ بە بەڵا سابیر و خوشنوود و ڕەزا بە
لە کتێبی:
دیوانی سابیری
بەرهەمی:
سابیری (1881-1944)
1 خولەک
444 بینین
ئەی دڵ بە بەڵا سابیر و خوشنوود و ڕەزا بە
یاتاغی هەموو غوسسە و قەڵغانی قەزا بە
بێ یادی خودا عومر بە زایع مەدە سۆفی
شێرانە لەگەڵ ڕێویی نەفسا لە غەزا بە
قاپی ئەگری یەعنی ڕیازەتمە بەڕۆژووم
سەر قاپی پڵاو زیرە و کشمیش و کەبابە
شەو ئێشکی بێشک ئەگری و گریە چ حاسڵ
گریانی کوڕت ڕاستی ئەڵێ: بابە کەزابە
تەسبیحی دەس و وێردی زوبان ناوی خودایە
دونیا بە دەس و دەم مەگرە خوویێ خەرابە
هەرکەس لە خودا غافڵ و مەغروورە لە دونیا
مەحروومە لە دونیا و قیامەت لە عەزابە
فەرقی چییە ئینسانی دز و شەخسی موبەزیر
هەردوو لەسەر ئەم چەوتییە بەدنام و کەزابە
سابیرناسناوی ئەدەبی مەکە ئیسراف و مەبە یاری درۆزن
هەر لەحزە لە خەوف و خەتەری ڕۆژی جەزا بە