ئەی بەهەشتی ڕوو بە حەققی ئەو جەماڵ و شێوەیە
لە کتێبی:
دیوانی سابیری
بەرهەمی:
سابیری (1881-1944)
1 خولەک
549 بینین
ئەی بەهەشتی ڕوو بە حەققی ئەو جەماڵ و شێوەیە
ئیلتیفاتێ کە، بە چاوی تۆ کە عەقڵم لێوەیە
ئەی مەسیحالەب بفەرموو دەفعی ئازارم بکە
مەڵحەمی زامی دڵم مەعلوومە ئەو دوو لێوەیە
تا لە باغی ڕوویی تۆ عەناب و سێوم دی بە چاو
دڵ نەخۆشە هەر خەیاڵی ئەو عەناب و سێوەیە
مەیل ئەفەرمووی تێبگەی ئەحواڵی دەردم دوور لە تۆ
هەر سەری موویی وجوودم سەد برینی پێوەیە
زوعفی قەلبی ئێمە دەرمانی بە لوقمان ناکرێ
چونکە موشتاقی گوڵ و گوڵزاری حوسنی ئێوەیە
تا بە لەفزی نەرم و شیرین ماهڕوو بانگم نەکا
هەر وەکوو فەرهاد ڕەنج و مەسکەنم ئەو کێوەیە
چیم بەسەر دوختوور و ئەجزاخانەوە ئەی گوڵبەدەن؟
چونکە دەرمانم گوڵی گوڵزار و حوسن و شێوەیە
سابیریناسناوی ئەدەبی بیمار و دڵسووتاوی دووری دولبەرە
هەر بە داخی پوڕتەقاڵ و ناسکە هەرمێوەیە