فیدایی ڕووتە مێهر و ماهـ بە چەرخی حوققەبازەوە
لە کتێبی:
دیوانی سابیری
بەرهەمی:
سابیری (1881-1944)
1 خولەک
534 بینین
فیدایی ڕووتە مێهر و ماهـ بە چەرخی حوققەبازەوە
نەساری پێتە ڕووی زەوی بە مەعدەن و ڕەکازەوە
نیمەبەهایی نیم نیگای تۆیە زەمین و ئاسمان
نەمایشی ئەگەر بکەی بە چاوی مەستی نازەوە
هەوەس بکەی بە یەک دەمێ، دەوا ئەدەی بە عالەمێ
بەو نەفەسی مەسیحی تۆ، بە پێکەنین و نازەوە
ئاوێنەداری ڕوویی تۆ، شانەبەدەستی موویی تۆ
بە شەرقەوە بە غەربەوە بە مەککە و حیجازەوە
حوور و مەلائیکەی سەما لە تاوی تۆ ڕوویان نەما
زەوی بە ئینس و جیننەوە بە جاهیل و موجازەوە
تۆ بە جەماڵی حوورەوە ئێمە بە چاوی سوورەوە
بە سۆزی جانگودازەوە بە سەدهەزار نیازەوە
بە ئافتابی ڕوویی تۆ کە نیوەسووتە سابیریناسناوی ئەدەبی
بە زولفی میشک بوویی تۆ پۆڕە بە چنگی بازەوە