ئەو دولبەرە قەد عەرعەرە ئەو ڕوو گوڵەباغە
لە کتێبی:
دیوانی سابیری
بەرهەمی:
سابیری (1881-1944)
1 خولەک
914 بینین
ئەو دولبەرە قەد عەرعەرە ئەو ڕوو گوڵەباغە
ئارامی دڵ و جان و فەرەحبەخشی دەماغە
هەر وەختە دەرێن دیدە و دڵ هەردوو بەجارێ
بۆ ڕوویی گوڵ و زەنجی وەکوو سێوی مەراغە
هاوارە بە شمشێری برۆ جەرگی بڕیوم
چاوت بە ئیشارەت دڵی هێنا لە بناغە
ئەم ماتەم و گریانە کە بۆتە مەرەزی عام
تێفکرە هەموو قوڕبەسەر و سینە بە داغە
یا ڕەببی لە ئافاتی بپارێزێ بە جاهی
ئەو زاتە کە سوڵتانە لەسەر تەختی بەلاغە
تا دێری زەمان جەننەتی ڕوخساری بمێنێ
سەد ناوی خودا چەند بە سروور و بە دەماغە
سابیرناسناوی ئەدەبی لەدەس ئەو شەودزە دەرچوونی مەحاڵە
شەو خانەبڕ و تەڕدەس و خاوانی چراغە