لەیل زبەرجەد بێز
لە کتێبی:
شیعرەکانی تورکەمیر
بەرهەمی:
تورکەمیر (1750-1820)
1 خولەک
678 بینین
لەیل زبەرجەد بێز ...
زنخ زەڕ فنجان، لەیل زبەرجەد بێز
لەو مەملوو مەشرەب، موژگان مەژان بێز
چەن لەو پەی ئەو لەو شەو مەکەن تەمێز
بیم بەیاز بی زەرد، خاڵ سۆز و زوڵف دێز
شەفین شیرین شەهد شووڕەنگێز
چیچی خەرخوفاش لێم مەکەن ستێز
خوەر وەشتەن چوی خوەر لە خاوەر گورێز
«ح» عارز نەبان «ب» ئەرقەماوێز
«زرس» زاهیر نە جای زەدەی زرس دێز
ئەبروو ئاشووی عام عەینان سورمەڕێز
شەو شیرین خەوان سوو شیرین ئاخێز
مەر شیرین نە پشت پەنجەرەی پەروێز
نیم نگای شیرین تون خوو خەزەوخێز
مەر بڵقەیس بانوو بنت شا پەروێز
یا ژە فەرەنگیس فەڕەن فەڕەنگێز
بەرزە باڵاوەن پەڕ لارە و ستێز
هەر نە کدوورەت، لەنج و لارەخێز
مەجنوون ژە لێز کەن، من ژەو بەدتەر نێز
نێش وەجای غەمزەش ژە دڵ کەنەن لێز
مەسزم چوی شەمع تا سەحەرانخێز
بەرد بنچینەم وە وێز دانە خێز
شوان شەو لێز گوم وەرداشتەن وە وێز
تورکە چوی مرخان شەو نەدارۆ لێز