هەر کەس نەی زەمان دراز بۆ ڕیشش
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
325 بینین
هەر کەس نەی زەمان دراز بۆ ڕیشش
ماچان ئاڵچاغەن خەراوەن ئیشش
نە سەر تا وە پا مەکەن تەفتیشش
ماچان نەمەندەن قووەی قامیشش
ئەر شاگرد ئوغڵان بنەی وە تڵیشش
ئەمجارە مەوی وە خۆشەویستش
نامەرد بێزارەن جە قەوم و خوێشش
فارغ البالعەرەبیەن چە پاش و پێشش
غەیر چە نەفس وێش ئیدارەی عیشش
چە حاڵ فەقیر دڵ نییەن ئێشش
ئەر سەد ساحێب موڵک هەزار بۆ جەیشش
بێ قەوم و عەشرەت نمەیۆ کیشش
عالەم سەر سامەن چە فاش و فیشش
ئەختیار پیر کەفتە بڕیان کڕیشش
زەمین بە بێ ئاو نمەیۆ هێشش
شەریک گورگەن دوژمن وە هیشش
مەڵڵا چە زاری پەی دەرد ڕێشش
مەر زات موتڵەق وەرۆ ساڕێشش
تا کەی بشۆری ...دەقی نائاشکرا گامێشش
تەمام نمەبۆ ئەی شش و بێشش
فیرعەون هاست بەجا شەهر بابیلش
کەیخوسرەو لوا وێران کابیلش
ئەی خاکە قووت کەرد ڕۆستەم زابیلش
جیفەی فانی پیر موڵکەن دەلیلش
مەڵڵا وەکارەن چەنی حەنیفشش
کەس نەکەفۆ وەوەر زە ...دەقی نائاشکرا شیشش
یاران چەن خۆشە گ ...دەقی نائاشکرا سکیشش
خاتوون الوەقتەن وردەن تکیشش
پارە نمەکۆ ئەی فاک و فیکش
قاپی مەغلووقەن کەم بی کلیلش
بێ نامووس و نەنگ دونیا وە سیکش
عالەم هەراسان چە دەنگ زیکش
بەد ئەتواری وێش کەردەن عەلیلش
موبارەکش بۆ غەم مەلویلش
بییەن وە مامر خرووس و ديكعەرەبیش
شەو و ڕۆژ مەراق بییەن وە سیکش
عەجەب سەکرانەن پڕ بییەن پیکش
وەباد غەزەب مەدڕان تیکش
وەهەزار حیلە کار نمۆ ڕێکش
ساحێب کەون مەوجوود ئەجەل نەزدیکش
شەخس عەقڵ دار مەبۆ تەریکش
چون ژار مارەن مێوەی فەریکش
مەڵڵای قوڕ وە سەر بییەن خەریکش
هەزاران تفوو وەچارەی پیسش
عالەم سەرگەردان فعل خەبیسش
هەرکەس نەزدیک بۆ مەبۆ شەریکش