برا گیان نامە
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
308 بینین
برا گیان نامە ...
یە خەیلێ وەختەن نەکیانای نامە
فیرقەی مونکیران گیرۆدەی دامە
نەزدیکەن زهوور شادی و هەنگامە
بەدان وە نێکان ماچان بەد نامە
شکاک خەجاڵات حزوور شامە
قانوون مۆ تەبدیل برای خۆش فامە
دەورێ عەدالەت مۆ جەی ئەییامە
ڕەجاچی یاران زات - - -دەقی نائاشکرا
ڕەهبەر چەرخەچی گردین عەوامە
زاڵم موبتەلای دەرد و ئالامە
فەقیران دڵشاد وەشادی و کامە
ئەی مەڵڵای جۆیار شیرین کەلامە
پەی گردین یاران یەکسەر غوڵامە
ئاشووب و فەساد - - -دەقی نائاشکرا
وێڵ سەرگەردان نە چۆڵ شامە
- - -دەقی نائاشکرا مێردان وەعدەی تەمامە
دەور دەور ڕاستییەن یار خۆش خەرامە
زات - - -دەقی نائاشکرا قائیدی عامە
غاران مەپێکۆ وەتیر پەیکامە
زات شا حەیدەر جای ئیلتیجامە
فیرقەی بەد کاران مەکۆ لغامە
دەوران فانی وەبێ دەوامە
باقی مەعموورەن دەروون سەلامە
زەمیرم موفەشەق خەیاڵم خامە
ئەرێ حاجی گیان یە چ بەڵامە
دڵ خاپوور کەردەن نەفس لەوامە
نەفس موتمەئین بێ دەنگ و سامە
عەقڵ و هۆش و فام ڕەم کەرد چە لامە
جە دەست تەعنەی خۆڕێ و لەگامە
کەس نییەن وە تەنگ يوم القيامهعەرەبی
قەبووڵ نەداران تەعویزی جامە
تەعنە مەکەن زیکر صوم و صەلامە
بێزارم جە دەست گرۆی نەفامە
کەی ئەدا مەبۆ ئەی قەرز و وامە
ئەی دونیای فانی پاپێچ پامە
وەختەن ساڕێژ بۆ ئەی کۆنە زامە
دەرمان بکیانۆ شای سەرەنجامە
یاهەق یار نەکەی نمەک حەرامە
چەند نێش نەشتەر یەکسەر چە ڕامە
پەرێ هەقیقەت چە نۆ چە ڕامە
یاڕەب کردارمان نەکەری خامە
جەمیع یارستان گشتش برامە
فەرامۆش مەکەن چە خێر دۆعامە
جەی ساڵ ماردا شەوق و جەلامە
کەمتەرین نە گشت خەوەر چە لامە
گ شەو مەوینی غەریب ئەحرامە
جە خاودا وەنەم مەدان ئیلهامە
پەرێم بکیانە جەواب نامە
بێزارم جە دەست مەجازی جامە
گفتارم لذیذ شیرین خۆش تامە
دوو هەزار ڤینتار جورم و گونامە
قانوونێ جەدید کریان سەقامە
خادیم یاران عەلی سەرامە