bira gyan name
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
432 Dîtin
bira gyan name ...
ye xeylê wexten nekyanay name
fîrqey munkîran gîrodey dame
nezdîken zihûr şadî û hengame
bedan we nêkan maçan bed name
şikak xecałat ḧizûr şame
qanûn mo tebdîl biray xoş fame
dewrê ’edalet mo cey eyyame
řecaçî yaran zat - - -Teksta ne aşkira
řehber çerxeçî girdîn ’ewame
załim mubtelay derd û alame
feqîran diłşad weşadî û kame
ey mełłay coyar şîrîn kelame
pey girdîn yaran yekser ẍułame
aşûb û fesad - - -Teksta ne aşkira
wêł sergerdan ne çoł şame
- - -Teksta ne aşkira mêrdan we’dey temame
dewr dewr řastîyen yar xoş xerame
zat - - -Teksta ne aşkira qa’îdî ’ame
ẍaran mepêko wetîr peykame
zat şa ḧeyder cay îltîcame
fîrqey bed karan meko liẍame
dewran fanî webê dewame
baqî me’mûren derûn selame
zemîrim mufeşeq xeyałim xame
erê ḧacî gyan ye çi bełame
dił xapûr kerden nefis lewame
nefis mutme’în bê deng û same
’eqił û hoş û fam řem kerd çe lame
ce dest te’ney xořê û legame
kes nîyen we teng yum alqyamhErebî
qebûł nedaran te’wîzî came
te’ne meken zîkir sum û selame
bêzarim ce dest giroy nefame
key eda mebo ey qerz û wame
ey dunyay fanî papêç pame
wexten sařêj bo ey kone zame
derman bikyano şay serencame
yaheq yar nekey nimek ḧerame
çend nêş neşter yekser çe řame
perê heqîqet çe no çe řame
yařeb kirdarman nekerî xame
cemî’ yaristan giştiş birame
feramoş meken çe xêr do’ame
cey sał marda şewq û celame
kemterîn ne gişt xewer çe lame
g şew mewînî ẍerîb eḧrame
ce xawda wenem medan îlhame
perêm bikyane cewab name
bêzarim ce dest mecazî came
giftarim lizîz şîrîn xoş tame
dû hezar vîntar curim û guname
qanûnê cedîd kiryan seqame
xadîm yaran ’elî serame