یارستان ئەساس
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
376 بینین
یارستان ئەساس ...
سەر نمەگێرۆ بنیاد بێ ئەساس
بەشەر ئیلزام مۆ وە گفتار خاس
بێزارم جە دەست ئەی دەور ناڕاس
ئەر سەد بوانی قال اللهعەرەبی وە ڕاس
فائیدە نەدارۆ پەی خەڵق و ناس
مەخلووقات تەمام دەروون پڕ وەسواس
فیرقەی فاسیقان شووم الخناسعەرەبی
جە درگاهـ هەق مەکەم ئیلتیماس
زومڕەی یارستان چا بەند بۆ خەڵاس
چێشتەن چەنی یاوەرانی خاس
غەیبەتشان مەکەن وەچەپ و وە ڕاس
عالەم وێنەی وێت مەکەری قیاس
داخێ تۆ جەرگم کەردەن وە پەڵاس
لازم بپۆشی قەترانی لیباس
وێڵ بۆم نەشاران چون گەدای ئیفلاس
قووت وەردەم نە بەحر بە وێنەی غەواس
چەند لاڵە و یاقووت کەردەنم ئاراس
گەوهەر بێ قیمەت بازاڕم کەساس
مێرد نێک خاڵیس نەدارۆ ئیغماس
قادر مەستانۆ یەکا یەک قەساس
چەند خانەدانان کەردەن وە کەنناس
اهل اللهعەرەبی تەسلیم نمەکۆ هیچ باس
هەر کەس وە ڕەنگێ مەکەرۆ حەمماس
پەی ڕەعیە بییەن وەنێرە بڵباس
یەکسەر مەخلووقات جە گیان بی هەراس
پەرێ ... ...دەقی نائاشکرا بییەیان حوڕاس
بێ سەدا و بێ دەنگ وێم کەردەن خراس
سوخەن پەزیرم چون ئەبو نەواس
پەروا نەدارۆم جە هەزار دەساس
فریاد ڕەسمانەن هەم خدر ئەلیاس
جە بەحر و جە بەڕ بێ کەم و کیناس
مەئموور حازرەن سەعد ئیبن وەققاس
جە سینەی بەدان مەکەرۆ ئیجلاس
دایم حازرەن جاسووس حەساس
عاقبت الامرعەرەبی فەحنووشی خەنناس
عەجایب شەوێ کەردەنم ئەحداس
سڵام بۆ وە گشت زکووروئیناس
جە دەنگی لوری هەم چە شەقەی داس
قیسمێ فەقیران بییەن کەڕ و کاس
نیمەی ئەرزاقش چەودەر و قەڵداس
خەرمان بێ دان خازرەن کەساس
الظلم لا يدومعەرەبی مەزانۆ حەسساس
الكفر يدومعەرەبی پەی هەق وەلا باس