یارستان خەراب ٢
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
416 بینین
یارستان خەراب ...
دونیا نەمەندەن وەختەن بۆ خەراب
وە حوکم بێچوون پادشای وەهاب
مەئموور ئامادەن وە تەعجیل و تاب
حورمەت قەلیلەن جە دۆست و ئەحباب
مەردان چەنی زەن بییەن وە ئەرباب
مەگەر چە ئاخر دڵ گێرۆ حوباب
نێکان خەڵاس بۆ بەدان دڵ کەباب
مەخلووقات مەراق عارەق و شەراب
لە ئەفعال بەد ناکەن ئیجتیناب
هەزاران ئاما چون ئەفراسیاب
جەی دونیای فانی نیگوون بی غەرقاب
یاهەق دۆعامان کەری موستەجاب
یاران نەجات بۆ نەی گێژی گەرداب
شەبان تا بە ڕۆژ هیچ نەدارۆ خاب
دەروون سیاوم چون ماهی نە ئاب
جە تەعنەی بەدان جەرگمان بی خوناب
وە ڕەجای خاسان زوود مۆ فتح البابعەرەبی
یەکسەر خائینەن حاکم و نواب
بە ئەرز و حاڵم مانیعەن بەواب
ئامانەن دەخیل یا اولو الابابعەرەبی
دڵشاد بکەری دۆستان و ئەحباب
بەعزێ بەدکاران وەحشی ئیستیغراب
وەسەد نەزاکەت مەدەرۆ جواب
مەڵڵای ناتەواو مفشق الثوابعەرەبی
جە هیچ ئەفرادێ مەگێرە عیتاب
پارە نمەکۆ سەد نویسنای کیتاب
پەی جیفەی دونیا مەکەر ئیرتیکاب
جەی زەمانەی سەرد خەڵکی نا سواب
مەحاڵەن مەڵڵا ببۆ کامیاب
تەسلیم وە ڕای هەق بنۆشە زەهراب
جەی بەحر بێ پەی نمەوی سیراب
جە ئەی نەخڵستان مەحرووم جە ڕوتاب
مەئیووسم جە شەهد نەسیبم زوخاب
تەلاوەت کەردەی باڵینەن توراب
چەند جار وانانت پەی عالی جەناب
عەجەب سەرکەشەن نمەبۆ ئیقلاب
جارێ سوارەن پاش ها چە ڕیکاب
ئەمرش وەیتەورەن مالك الرقابعەرەبی
بێهوودەن واتەی ئەر شەڕ ئەر سەواب
ئەشک و دمووعم وێنەی شەت زاب
نەزدیکەن قابز کەرۆش ئیستیجاب
وە قاپی هیچ کەس مەکەر دق البابعەرەبی
خالیق مەگێرۆت بێ شەرم و حیجاب
یەکسەر مەخلووت بی چەشمەی گشت سەر ئاب
عاجز بی جە گیان یەکا یەک میرئاب
مەر وە حوکم وێش بارۆش وە حەساب
زەحمەت نەجات بین جەی دام و دۆڵاب