yaristan xerab 2
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
307 views
yaristan xerab ...
dunya nemenden wexten bo xerab
we ḧukim bêçûn padşay wehab
me’mûr amaden we te’cîl û tab
ḧurmet qelîlen ce dost û eḧbab
merdan çenî zen bîyen we erbab
meger çe axir dił gêro ḧubab
nêkan xełas bo bedan dił kebab
mexlûqat meraq ’areq û şerab
le ef’al bed naken îctînab
hezaran ama çun efrasyab
cey dunyay fanî nîgûn bî ẍerqab
yaheq do’aman kerî mustecab
yaran necat bo ney gêjî gerdab
şeban ta be řoj hîç nedaro xab
derûn syawim çun mahî ne ab
ce te’ney bedan cergiman bî xunab
we řecay xasan zûd mo fitiḧ albabArabic
yekser xa’înen ḧakim û nwab
be erz û ḧałim manî’en bewab
amanen dexîl ya awlu alababArabic
diłşad bikerî dostan û eḧbab
be’zê bedkaran weḧşî îstîẍrab
wesed nezaket medero cwab
mełłay natewaw mifişq alsiwabArabic
ce hîç efradê megêre ’îtab
pare nimeko sed nwîsnay kîtab
pey cîfey dunya meker îrtîkab
cey zemaney serd xełkî na swab
meḧałen mełła bibo kamyab
teslîm we řay heq binoşe zehrab
cey beḧir bê pey nimewî sîrab
ce ey nexłisitan meḧrûm ce řutab
me’yûsim ce şehd nesîbim zuxab
telawet kerdey bałînen turab
çend car wananit pey ’alî cenab
’eceb serkeşen nimebo îqlab
carê swaren paş ha çe řîkab
emirş weytewren malk alirqabArabic
bêhûden watey er şeř er sewab
eşk û dimû’im wêney şet zab
nezdîken qabiz keroş îstîcab
we qapî hîç kes meker diq albabArabic
xalîq megêrot bê şerim û ḧîcab
yekser mexlût bî çeşmey gişt ser ab
’aciz bî ce gyan yeka yek mîr’ab
mer we ḧukim wêş baroş we ḧesab
zeḧmet necat bîn cey dam û dołab