برا یارەنی
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
420 بینین
برا یارەنی ...
مەعلووم بی جە لام تەمام یارەنی
پەی زوهوور هەق ئینتیزارەنی
جە ڕای دۆنای دۆن خەوەردارەنی
وەدەست نەزان دڵ بێزارەنی
وە حوکم یەزدان گرفتارەنی
دایم جە نۆشای قەهر و ژارەنی
بێزار جە ئەرکان بەد ئەتوارەنی
پەی دیدار یار دڵ بیمارەنی
بێزار جە ئەغیار فیدای یارەنی
چەمەڕای خەڵات ئارۆ و سارەنی
تەسلیم وەڕای هەق گەردەن لارەنی
گا گاهێ توغیان قین و قارەنی
اظهر من الشمسعەرەبی تۆ ئاشکارەنی
چەمەڕای وەعدەی ساڵ مارەنی
موحتاج دەلیل شیرین یارەنی
جەفا کێش دەور گران بارەنی
الحمد للهعەرەبی زۆر هۆشیارەنی
جەی دونیای فانی بەردە بارەنی
دەروون پڕ جە عەشق دڵ خومارەنی
جە لای مونکیران بێ ئیتبارەنی
بەڵێ پەی یاران چون گوڵزارەنی
قەواڵەت حازر جە تۆمارەنی
چەو بۆنە مەشغووڵ خەریک جاڕەنی
غوڵام ئیخڵاس - -دەقی نائاشکرا سالارەنی
پەرێ زامداران جە تیمارەنی
دیک دەروون جۆش جە فەوارەنی
جە نام ئەی میللەت چون خەوارەنی
چون بەندە بێ یار دڵ ئاوارەنی
شەو و ڕۆژ مەشغوڵ پڕ ئەفگارەنی
ڕەوشەن زەمیری بێ غوبارەنی
انا الحقعەرەبی ئاسا پای قەنارەنی
ساکن و سکووت دەر کنارەنی
چە کونج خەڵوەت تاعەت کارەنی
ڕۆشنایی دڵم جە قەتارەنی
مەربووت و مەزبووت وەفا دارەنی
وێنەی سەیادان جە شکارەنی
پەرێ زهوورات پڕ ئیخبارەنی
جە فەسڵ پاییز تۆ زوارەنی
پەی تەواف کەعبە حازر سوارەنی