ئیبتیدا بە نام حەی لایەنام
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
254 بینین
ئیبتیدا بەنام حەی لایەنام
خالق المخلوقعەرەبی تەمام خاس و عام
سڵام بۆ وەنەت فەقێ خۆش کەلام
دۆعا گۆتانم جە سوب تا وەشام
واجیبەن پەی یار عیززەت و ئیکرام
نەوا پەی نەزان ئاڵچاغ و لەگام
ئەمسالت نییە تا وە میسر و شام
هەفتەیێ جارێ بنیشە جە لام
ئەی جیفە هیچەن اخر الانجامعەرەبی
بێزارم جە دەست میللەت نەفام
کەی ساڕێژ مەبۆ ئەی عیللەت و زام
نەزدیکەن لوقمان بکیانۆ دەوام
ڕاستی نەمەندەن چە دەور ئەیام
نمەیۆ وەکار نماز و صیام
سالم و سەلیم شەرتەن پەی ئیسلام
کەسب و کەسابەت یەکسەر بی حەرام
حەڵاڵ نەمەندەن جە لای خاس و عام
وەختەن ڕەوشەن بۆ ئەی شەب ظەلام
بێ ڕەحم و ئینساف گشت ساحێب ئەقڵام
گرفتار وەدەست ئەی نەفسی لەوام
خانەی دڵ وێران ئیمان کەرد ئیزهام
وەشەو مەوینی عەجایب ئەحلام
فەقێ مەعلوومەن وەخیمەن ئەنجام
گشت خەتا و گونا بڕیان وە باڵام
مەر ... سوار بەیۆ وە هانام
نابینا و زەعیف نییەن توانام
بەحر هەقیقەت تەمام نەوانام
تەرتیب کەم کیتاب چون عومر خیام
جە ڕووم و ئێران مەقبوڵ وە دەوام
إنّ الله محيطعەرەبی مەعرووف لە کەلام
وەبێ ئەمر هەق نمەیۆ ئیلهام
ئەر نیک و ئەر بەد جەی دۆڵاب دام
جە یەک فابریقە ئیجاد کەرد خودام
هەنی چە مەحشەر هیچ نییەن پەروام
مەعسووم و فەقیر جەننەتەن مەئوام
ئەر خیلافم وات بکەردێ خەفام
ضەمائیر ڕەوشەن وە یار مۆ غوڵام
جامەی مەجازی ئەی دەباغی خام
#
ئەشعارم ناقس باقي والسلامعەرەبی