îbtîda be nam ḧey layenam
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
377 views
îbtîda benam ḧey layenam
xalq alimxiluqArabic temam xas û ’am
siłam bo wenet feqê xoş kelam
do’a gotanim ce sub ta weşam
wacîben pey yar ’îzzet û îkiram
newa pey nezan ałçaẍ û legam
emsalit nîye ta we mîsir û şam
hefteyê carê binîşe ce lam
ey cîfe hîçen axir alancamArabic
bêzarim ce dest mîllet nefam
key sařêj mebo ey ’îllet û zam
nezdîken luqman bikyano dewam
řastî nemenden çe dewr eyam
nimeyo wekar nimaz û syam
salim û selîm şerten pey îslam
kesb û kesabet yekser bî ḧeram
ḧełał nemenden ce lay xas û ’am
wexten řewşen bo ey şeb zelam
bê řeḧim û însaf gişt saḧêb eqłam
giriftar wedest ey nefsî lewam
xaney dił wêran îman kerd îzham
weşew mewînî ’ecayb eḧlam
feqê me’lûmen wexîmen encam
gişt xeta û guna biřyan we bałam
mer ... swar beyo we hanam
nabîna û ze’îf nîyen twanam
beḧir heqîqet temam newanam
tertîb kem kîtab çun ’umir xyam
ce řûm û êran meqbuł we dewam
înّ alilh miḧîtArabic me’rûf le kelam
webê emir heq nimeyo îlham
er nîk û er bed cey dołab dam
ce yek fabrîqe îcad kerd xudam
henî çe meḧşer hîç nîyen perwam
me’sûm û feqîr cenneten me’wam
er xîlafim wat bikerdê xefam
zema’îr řewşen we yar mo ẍułam
camey mecazî ey debaẍî xam
#
eş’arim naqis baqî walsilamArabic