یاران مەحشەرەن ٢
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
3 خولەک
545 بینین
یاران مەحشەرەن ...
مەعلووم نیشانەی يوم المحشرعەرەبیەن
برادەر عەدو وە برادەرەن
فرزەند ناڕەزا چەنی پدەرەن
هامسایان خائین وەیەکدیگەرەن
حەڵاڵ ناتفاق چەنی هامسەرەن
ئێدیش ئیرادەی حەیی ئەکبەرەن
عالەم موبتەلای دەرد و گوزەرەن
گرۆی مونکیران هو الابترعەرەبیەن
عالەم سەرگەردان گشت دەربەدەرەن
گرۆی جاهیلان گشت بێ خەبەرەن
بەڵا ئامادەن ڕۆح جە خەتەرەن
شەش جیهەت تاریک وەبێ قەمەرەن
غەزەب حلوول کرد فەوت فەنا کەرەن
پەی عیشوی فانی گشت جلوە کەرەن
ئەفکار پەرێشان دڵ بێ مەوقەرەن
عالەم گیروەردەی نار ئەحمەرەن
نەگشت ئەترافێ ئاشووب و شەڕەن
ئەر خێر و ئەر شەڕ میسقالە زەڕەن
شەڕمان زیادەن خێر سەبووکتەرەن
وەقەدیم عەقڵان ماچان بێ فەڕەن
تازە مەقبووڵەن مۆدە بێ دەرەن
موئمین عدوةعەرەبی عەدووی دوو سەرەن
نە گشت ئەترافێ شین و چەمەرەن
کەی ئەمر خودان قەول پێغەمبەرەن
جەی سەحرای هاموون وەبێ سەنگەرەن
جە هەزار یەکێ ئەهل هونەرەن
ماباقی حەیوان وەبێ بەسەرەن
تەمام عالەم گشت ڕا گوزەرەن
پەنامان وە زات ئاغای قەمبەرەن
پەی سەما و زەمین عەلی لەنگەرەن
دوانزە ئیمامان تۆپ شەجەرەن
چەهاردە مەعسووم زات ئەنوەرەن
سەراسەر عالەم وەنەش جاگرەن
مەعلووم ئەی دوو سەف دوژمن حەیدەرەن
دەلیل قاتیع قورئان ڕەهبەرەن
حەدیس موسەدەق وە بەرابەرەن
قال البشرعەرەبی مان زۆر موعتەبەرەن
قال اللهعەرەبی و ڕەسووڵ ساقیت یەکسەرەن
پەی ئەمر مەعرووف خەڵک بێ بەسەرەن
نهي عن المنكرعەرەبی چون تاج سەرەن
واجیبات ناقیس پەی دین زەرەرەن
ئەحواڵ موفەشەق بێ بورغیو جەڕەن
جیهان پڕ غەوغا حەزەر حەزەرەن
بەد بەختی تالیع بەنی بەشەرەن
مورغ دەروونم بێ باڵ و پەڕەن
ئیفتادەی مەیدان دڵ بێ فەنەرەن
ئەی برادەران جاگەم سەقەرەن
ئەی بەندە ئاشووب قەوم بەقەرەن
ئەر خاس ئەر خەراو سەبت دەفتەرەن
جە قال و بليعەرەبی زاهیر مەزهەرەن
قووت عاقڵان خوون جگەرەن
ئەتعیمەی - -دەقی نائاشکرا شەهد و شەکەرەن
ئەحواڵمان قەبیح باغمان بێ بەرەن
جە دیوان هەق ڕەنجمان بێوەرەن
گوفتارم لذیذ مسک و عەنبەرەن
جە لای مونکیران جە ژار بەدتەرەن
سنف دەوڵەمەند ئارادە سەرەن
زومڕەی فەقیران تەعنەی لەجەرەن
فەرموودەی ڕەسووڵ زات پێغەمبەرەن
الفقير فخريعەرەبی واتەی سەروەرەن
ئەی بەندەی موذنیب نەگشت کەمتەرەن
دائیم جە ئیسڵاح یار و یاوەرەن
مەلجا و پەناهم ساقی کەوسەرەن
هیچ خەوفم نییەن دڵ موعەمەرەن
عالەم ئینقیراز زێر و زبەرەن
هیلال جە خسووف بێ منەوەرەن
جە یەک لا سەڵای الله و اكبرعەرەبیەن
یەک لا موسەللەح دەست وە خەنجەرەن
سەیارە فوول بۆ جە ڕا پەنچەرەن
گشت خەتای مەڵڵای عەمامە سەرەن
عەوام فەقیرەن قاریء مەحوەرەن
جەرگم هەدەف گای تیر و تەبەرەن
بابۆمان ئادەم شێخ بولبەشەرەن
گرد یەک عونسرەن گشت برادەرەن
ئەر یەک وجوود بۆ گرد موزەفەرەن
ئەر مەیدان کورت بۆ چون خاکستەرەن
پەرێ گرد میللەت ڕۆحم ئەسپەرەن
مەڵڵا جان فیدای گشت نامەوەرەن
ئەی عەزیزانم یومەلبەتەرەن
#
چوار قوڕنە مەشغوڵ سوپا و لەشکرەن