ئیبتدا بە نام حی ذوالجلال
بۆ مام موحەممەد دەروێش عەلی
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
255 بینین
ئیبتیدا بە نام حي ذوالجلالعەرەبی
خالق المخلوقعەرەبی ڕۆز و ماهـ و ساڵ
مورغ دەروونم وەیتەور کەرد خەیاڵ
حەساوم کەردەن بە وێنەی ڕەماڵ
مەڵڵای بێ بەهرە، خامەن ئەی خەیاڵ
بێزارم جە دەست فیرقەی قیل و قاڵ
ڕەئیس و ڕیشوەت حوکام کەرد ئیغفاڵ
ئیدارەی فەقیر یەکسەر بییەن تاڵ
تاکەی دەوام کۆ ئەی حاڵ و ئەحواڵ
وە گەردەن زاڵم ئاهـ ماڵ و منداڵ
هەرکەس داشتەبۆ سەروەت، موڵک و ماڵ
هەر ئەو مەقبووڵەن ئەر سەد بەد ئەفعال
مەراق وە حەرام بێزار چە حەڵاڵ
دەوری ناکەسەن زەمانەی دەجاڵ
فیرقەی زاڵمان گشت فارغ البالعەرەبی
مايشوف عيبه ولا يدير بالعەرەبی
عەبەس بێهوودەن چە بەحس و ئەحواڵ
دایم مەعیووبەن شەخس فەقیر حاڵ
ئەختیار پیر لاواز كثير العيالعەرەبی
خەتام فراوان دەروون ئینفیعال
هیچ کەس فەخر نەکۆ وەبەخت و ئیقباڵ
وە یەدی هەقەن كريم الخصالعەرەبی
جایزەڵ خەتام دڵ وێنەی زوخاڵ
حەیا فیرار کەرد نامووس پایماڵ
دیوانخانە بی وە پەچای زماڵ
بییەن وە ڕیش خەند گشت ساحێب کەماڵ
ئەگەر ئەی دەورە دەوام کۆ ئەتواڵ
خودا و پێغەمبەر مونکیران بەتاڵ
ئەشعارم دوڕەن نادر الامثالعەرەبی
سەڕاف مەزانۆ قیمەت گەوهەر لاڵ
قەهرەمان چەنی هەم ڕۆستەمی زاڵ
اخر الانجامعەرەبی نگوون بی جە چاڵ
حەزرەت ڕەسوول واتەن ئەی مەقال
انا بشر مثلكم ارسالعەرەبی
جبرائیل پەرێم وەحی مەکۆ ئینزال
مەواچی پەرێ موئمین خۆش جەمال
هیچ فەخرش نەکەرد حەبیب زوڵاڵ
واردەش نانی یەو پۆشاکش بی شاڵ
پەرێ خود بینان حازرەن زەواڵ
چەند هەزار ملووک نیگوون بی دەرحاڵ
انا ربكمعەرەبی نەمروود وات تیمثال
وەنار جەحیم ڕۆح کەرد ئینتیقاڵ
بیست و دوو مەسرەع شیعرم بی ئیکمال
دەروون تەیار بەر وێت مەکەر ئیشغال