١١
داستانا بەیانا نەورۆزا سولتانی تەسمیەیێ مەوسمێ سوروور و شادمانی ب مەرسوومێ قەدیمێ کوردستانی کو وان دگۆتێ: سەرسال، عەد دکرن ب عیدێ و سال
لە کتێبی:
مەم و زین
بەرهەمی:
ئەحمەدی خانی (1650-1707)
2 خولەک
1348 بینین
خەللاقێ جەهان ژ فەیزێ فترەت
هەیئاتێ فەلەک ب وەجهێ قودرەت
بێ قالب و بێ موحیت و مقیاس
بێ ئالەت و بێ موشیر و مقراس
ئەڤ چەندە موعەززەم و مودەووەر
ئەڤ ڕەنگە موسەننەع و موکەررەر
ئینانە ب مەعرەزا و وجوودێ
کێشانە ب مەنزەرا شوهوودێ
حکمەت ئەوە ئەڤ هەمی ل کارن
هندەک د پەیا و هن سوارن
هندەک د بەتیء و هن سەریعن
هندەک د موعین و هن مونیعن
هن مودبرن ئەو هنەک مودەببەر
هن موقبلن ئەو هنەک موقەددەر
هن کاتبن ئەو هنەک د ئوستاد
هن موتربن ئەو هنەک د جەللاد
هن ڕۆ ژپەرەست و هن شەب ئەفرووز
هن غوسسە ڕەڤین و هن غەم ئەندووز
هندەک د مسالێ زین زەرینە
هن شوبهی مەمێ د موشتەرینە
بالجملهعەرەبی موسەیقەل و مونیرن
هن پادشەهن هنەک وەزیرن
هندەک ژ تەحەرروکا تەبیعی
ئەو تێنە ب نوقتەیا رەبیعی
تەجدید دکن ژ بۆ مە سالێ
گاڤا وەکوو تێنە ئعتدالێ
دانایێ موعەممەرێ کوهەن سال
ئەڤ ڕەنگەهە گۆ ژ بۆ مە ئەحوال
کو عادەتێ پێشییێ زەمانان
ئەڤ بوو ل هەمی جهـ و مەکانان
وەقتێ وەکوو شەهسوارێ خاوەر
تەحویل دکر د ماهێ ئازەر
یەعنی کو دهاتە بورجێ سەرسال
قەت کەس نەدما د مەسکەن و مال
بالجملهعەرەبی دچوونە دەر ژ مالان
حەتتا دگەهشتە پیر و کالان
ڕۆ ژا کو دبوویە عید و نەورووز
تەعزیم ژ بوو دەما دل ئەفرووز
سەحرا و چەمەن دکرنە مەسکەن
بەیدا و دەمەن دکرنە گولشەن
خاسما عەزەب و کچێ د باکر
القصهعەرەبی جەواهرێ د نادر
تێکدا د موزەییەن و مولەببەس
ڤێکرا ل تەفەرروجێ مورەخخەس
لێکن نە ب توهمەتەت و ب مننەت
بەلکی ب تەریقێ شەرع و سوننەت
لەورا کو ئەوان غەرەز ژ گەشتێ
مەقسوود ژ چوویینا ب دەشتێ
ئەو بوو کو چ تالب و چ مەتلووب
یەعنی دو تەرەف موحبب و مەحبووب
ئەڤ هەردو جەلەب کو هەڤ ببینن
کوفئێ د خوە ئەو ژ بۆ خوە بینن