ئیبتدا بە نام پادشای قەدیر
نامە بۆ فەقێ حەمە حەیدەر
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
481 بینین
ئیبتدا بە نام پادشای قەدیر
خالق المخلوقعەرەبی سوڵتان سریر
سەلامم هەنەن برای بێ نەزیر
نیگەهدارت بۆ سەی ئەحمەدەل میر
چە قەریەی زەنقڕ واتم وە تەقریر
عەرزم کەرد وەنەت چوار قسناق شەعیر
قەوڵت دا تەمام وە بەندەی فەقیر
قەوڵی جۆ وە جۆ نەدارۆ تەوفیر
منیش وا کیانام سەی عەباس چۆ سەوز
وە قەوڵ حەقیقەت شەرت ڕاگەی - - زدەقی نائاشکرا
گێڵا وەدەما وەبۆشو بەتاڵ
واتش دەنگ نەکەرد ئوستای پڕ کەماڵ
منیش سکووت بیم عاجز و مەحزوون
ئەمرش وەی تەورەن قەیووم بێچوون
مەڵڵا موستەحەق مەعاش ڕاتبە
قەتحەن ناکەم لێت هیچ مەعاتەبە
پەروانەی شەعیر حونطە میهمانم
پاقلە و زوڕات نیشتەن وە شانم
حەیی و حووی مەکەم هیچ نمەزانم
فڕ و فێڵ جیهان ها لە گیرفانم
نحن قسمنا کەم کەردەن نانم
نەمەندەن تاقەت تاب و توانم
سەد حەیف زایە بی واتەی بەیانم
یار نییەن وە تەنگ زاری و گریانم
ئەر زات موتڵەق نەکۆ دەرمانم
ساڕێژ نمەبۆ کۆنە زامانم
برای خۆش ڕەونەق فەردم شەعیرەن
قەرار ئەی وەختە بەوللبەعیرەن
حاکم و نواب گشت بێ زەمیرەن
فیرقەی ئەهل هەق یەکسەر یەخسیرەن