îbtida be nam padşay qedîr
name bo feqê ḧeme ḧeyder
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
513 Dîtin
îbtida be nam padşay qedîr
xalq alimxiluqErebî sułtan sirîr
selamim henen biray bê nezîr
nîgehdarit bo sey eḧmedel mîr
çe qeryey zenqiř watim we teqrîr
’erzim kerd wenet çwar qisnaq şe’îr
qewłit da temam we bendey feqîr
qewłî co we co nedaro tewfîr
minîş wa kyanam sey ’ebas ço sewz
we qewł ḧeqîqet şerit řagey - - zTeksta ne aşkira
gêła wedema weboşu betał
watiş deng nekerd ustay piř kemał
minîş sikût bîm ’aciz û meḧzûn
emirş wey tewren qeyûm bêçûn
mełła musteḧeq me’aş řatbe
qetḧen nakem lêt hîç me’atebe
perwaney şe’îr ḧunte mîhmanim
paqle û zuřat nîşten we şanim
ḧeyî û ḧûy mekem hîç nimezanim
fiř û fêł cîhan ha le gîrfanim
niḧin qismina kem kerden nanim
nemenden taqet tab û twanim
sed ḧeyf zaye bî watey beyanim
yar nîyen we teng zarî û giryanim
er zat mutłeq neko dermanim
sařêj nimebo kone zamanim
biray xoş řewneq ferdim şe’îren
qerar ey wexte bewlilbe’îren
ḧakim û nwab gişt bê zemîren
fîrqey ehil heq yekser yexsîren