ئاغە تاقەتم
نامە بۆ حەمە ئاغای خوبیلە لە سلێمانی
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
474 بینین
ئاغە تاقەتم ...
ئەختیار و پیرم نییەن تاقەتم
مەحرووم و مەئیووس چە مەلاقەتم
وجوودم بادار هەنەن زەحمەتم
گەردەن نیهادەی شاهـ قودرەتم
مونتەزیر وە لوتف قاپی ڕەحمەتم
ئەر سەد دڵ ئازار هەنەن حیددەتم
کەمتەرین نە گشت یاری سیفەتم
فیرقەی مونکیران مەکەن لەعنەتم
وە سایەی یاران ساحێب دەوڵەتم
سەر سەری کەم فام چە حەماقەتم
جار جارێ دڵشاد گاهـ چە میحنەتم
بێ شەوق و بێ زەوق دڵ پڕ زوڵمەتم
كثير العيالعەرەبی ساحێب کوڵفەتم
لقا الله الحقعەرەبی مۆ قەناعەتم
دایم خەجاڵەت کەردەی سەبقەتم
چەنی غارستان نییەن ئولفەتم
بێزار چە دیدار حۆری جەننەتم
جەنی بەد گۆیان وە کەم مودەتم
ڕەزیل و سەفیل چە نام عەشرەتم
هەرچی خوداوەند کەرد وە قیسمەتم
مەمنوون و مەشکوور شاهـ وەحدەتم
چە بەعزێ ئوموور بێ شەفەقەتم
وەلەو سکووتم زۆر وە دیقەتم
یا حەق قەبووڵ کەی هەم دەخاڵەتم
عاسی و شەرمەزار وە خەجاڵەتم
زوبانم بڕیان وە سەلامەتم
خەتای فراوان کەردەن ثقلەتم
چەلای سەڕافان هەنەن قیمەتم
بەڵێ چەی عەسرە نییەن ڕەغبەتم
باوەڕ نەداران وە ڕیوایەتم
نادر الامثالعەرەبی نەی جا قیللەتم
بێ قەدر و حورمەت چە نام میللەتم
مسکین و فەقیر بێ عەزەمەتم