aẍe taqetim
name bo ḧeme aẍay xubîle le silêmanî
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
501 views
aẍe taqetim ...
extyar û pîrim nîyen taqetim
meḧrûm û me’yûs çe melaqetim
wicûdim badar henen zeḧmetim
gerden nîhadey şah qudretim
muntezîr we lutif qapî řeḧmetim
er sed dił azar henen ḧîddetim
kemterîn ne gişt yarî sîfetim
fîrqey munkîran meken le’netim
we sayey yaran saḧêb dewłetim
ser serî kem fam çe ḧemaqetim
car carê diłşad gah çe mîḧnetim
bê şewq û bê zewq dił piř zułmetim
kisîr al’yalArabic saḧêb kułfetim
liqa alilh aliḧqArabic mo qena’etim
daym xecałet kerdey sebqetim
çenî ẍaristan nîyen ulfetim
bêzar çe dîdar ḧorî cennetim
cenî bed goyan we kem mudetim
řezîl û sefîl çe nam ’eşretim
herçî xudawend kerd we qîsmetim
memnûn û meşkûr şah weḧdetim
çe be’zê umûr bê şefeqetim
welew sikûtim zor we dîqetim
ya ḧeq qebûł key hem dexałetim
’asî û şermezar we xecałetim
zubanim biřyan we selametim
xetay firawan kerden siqletim
çelay seřafan henen qîmetim
bełê çey ’esre nîyen řeẍbetim
baweř nedaran we řîwayetim
nadir alamsalArabic ney ca qîlletim
bê qedir û ḧurmet çe nam mîlletim
miskîn û feqîr bê ’ezemetim