نیشانەی زەلزەلەی مەحشەر سەعاتێکە لە دونیادا
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
561 بینین
نیشانەی زەلزەلەی مەحشەر سەعاتێکە لە دونیادا
کە ئەو نازارە ڕووبەندی ڕووەو مەشریق لە ڕوو لادا
ئەوی وا ئەهلی عیرفانە هەمیشە دەس بە قورئانا
دەڵێت ئەو شۆخە ڕۆژ و شەو سیا چارشێو بە سەردادا
بە ئیمای نیم نیگای نازی بە سیحری چاوی غەممازی
وەها مەعلووم ئەکا نیازی لە گەڵ ئەرواحی شەیدادا
بە پەیکانی موژەی تیری بە دوو ئەبرۆیی شمشێری
ئەبێ بیکا بە نێچیری هەر ئەووەڵ سەردەسی ڕادا
کە چاوم کەوتە ناو چاوی دڵم کەوتە ئە تۆڕ داوی
غەرەز فەوتاو نرا ناوی وەکوو غەرقێ لە دنیادا
لە لای ئەگریم ئەناڵێنم بە دەم ئێشۆ ئەناڵێنم
بە ڕوو بەرپێی ئەماڵێنم کە ڕووم تێکا چی ڕووی بادا
وەکوو مەجنوون بە ڕووی زەردۆ مەکانم وا بە سەر هەردۆ
دەپلکێمۆ بە دەم دەردۆ لە کێو و شێو و سەحرادا
بە حەڵقەی پەلکی پێبەستم بە تایی زوڵفی سەییادا
وەرە مینەناسناوی ئەدەبی دەخیل چارێ ئەگەر بێت و نەکەی کارێ
دەسووتێم هەر وەکوو پووشێ لە کوورەی ئاری حەددادا