شەوی هیجرانە یا یەڵدایە ئەمشەو
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
688 بینین
شەوی هیجرانە یا یەڵدایە ئەمشەو
فیراقە یا دڕک بەرپایە ئەمشەو
شەرارەی ئاگری دووریی نیگارە
جەهەننەم یا لە سەر دنیایە ئەمشەو
بڵێن پێم ئەم عەزابە عامە یا خۆ
بە تەنها بۆ منی ڕیسوایە ئەمشەو
ئەوا من مردم چی تازە قۆڵچی
ئەڵێن دزگیرێکی دەریایە ئەمشەو
ئیلاهی بۆ چی قەتڵ و عام کراون
خەرووس کەلبە موئەززین بایە ئەمشەو
لە دووریی شەمعی ڕووت ڕۆحم عەزیزم
وەکوو پەروانە بێ پەروایە ئەمشەو
دەنگی عود و سەدای سەمتوور و سازم
نەوای ناڵەی دڵی شەیدایە ئەمشەو
ئەناڵێنم بە دەم دەردی فیراقۆ
دەروونم پڕ لە واوەیلایە ئەمشەو
ئەترسم هەر وەکوو مینەناسناوی ئەدەبی بسووتێم
لە دووریی ئەو قەد و باڵایە ئەمشەو