سەبا ئەم سوبحی سروەی تۆ شەمیمی موشکی تاتارە
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
310 بینین
سەبا ئەم سوبحی سروەی تۆ شەمیمی موشکی تاتارە
فیدای سروەکەت بم من کە دەرمانی دڵی زارە
هەناسەت بۆنی عەتری گوڵ ئەدا مەعلوومە بەم گوێرە
کە ئەو نازارە باری کردووە ئەم سوبحە زووارە
عەبیری موشکی تاتاری پەریشان زوڵفی دولبەرمە
سەبا ئەم عەمبەر ئەفشانەت لە وەختی سوبح و ئێوارە
وەرە تۆ بی و خوا سەیری بڵێسە و گریەیی دڵ کە
دەسووتێ هەر وەکوو قەقنەس بە ئاری دووریی ئەو یارە
بڵێ ئەی قیبلەکەم بە خوا دەوری سەروی باڵاکەت
لە گشت لایەکەوە مینەناسناوی ئەدەبی دڵ و جەرگی بریندارە