نیگارا مایەیی عومر و ژیانم
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
404 بینین
نیگارا مایەیی عومر و ژیانم
حەیاتم، زیندەگیم، ڕۆحی ڕەوانم
نیشاتم، عوشرەتم، عەیشم، سروورم
بەهەشتم، کەعبەکەم، قیبلەم، ئیمانم
ئومێدم، سەروەتم، بەختم، تورەققیم
هەسێرەی تالعم، تاجم، نیشاتم
خەڵاتم، کەوکەبم، شیرینی بەختم
عەزیزم، دڵبەرم، حوورم، جینانم
گوڵی گوڵزاری گشت بیر و هیواکەم
ویساڵت نەشئە بەخشی جاویدانم
ئەگەر عاجز نەبی ئەیکەم ڕجایێ
قبووڵی کە بینایی چاوەکانم
دەڵێن وا دووسوبەی جەژنە بە قوربان
لە بۆ قوربانی من بەستە مەیانم
دەمێکە ئەم دوعایە ڕۆژ و شەومە
بوەتە تاعەت و ویردی زوبانم
سەعاتێ بێ نیگارا مینەناسناوی ئەدەبی ئاسا
بە قوربانت بکەم ڕۆحی ڕەوانم