تازە زانیوتە عەزیزم عەبد و خزمەتکارتم
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
344 بینین
تازە زانیوتە عەزیزم عەبد و خزمەتکارتم
من غوڵامی زەڕخەرید و خادیمی ئەفکارتم
لەو دەمەی کردووتە سەر تاجی شەهی حوسن و جەماڵ
من بە شەو قاپیچی و ڕۆژ حەسحەسی ناو شارتم
ڕۆژی هەووەڵ حەق بەبوری خوێنی گوڵڕووی تۆی ڕەوان
تا وەکوو ئیستە بە قوربان عەندەلیبی زارتم
مەعبەدم گۆشەی کلیسا و تەیلەسانم خەرقەیە
دولبەرا سەنعانی زوڵف و پەرچەمی زوننارتم
موددەتێکە حەڵقەیی عەبدایەتی تۆم وا لە گوێ
شێتی خاڵ و کوشتەیی دوو دیدەیی بیمارتم
هەر وەکوو مینەناسناوی ئەدەبی بە دەم ئێشۆ ئەڵێم من ڕۆژ و شەو
چاوەکەم شەیدایی شێوە و لەنجە و ڕەفتارتم