ئەپرسی گەر لە ئەحواڵم نیگارم سوێن بە چاوانت
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
505 بینین
ئەپرسی گەر لە ئەحواڵم نیگارم سوێن بە چاوانت
ئەسووتێم هەر وەکوو قەقنەس لە شوعلەی ماهی تابانت
ئەناڵێنم وەکوو بولبول لە عەشقی ڕووی گوڵت جانا
ئەسووڕێمۆ بە بێ هۆشی لە حەسرەت سەروی بۆستانت
تەماشای ناوی جەرگم کە بە تەجرەبە دولبەر
بزانە چۆنە ئەحواڵم بە تیری چاوی فەتتانت
بە ئوممێدی ئەمەی جەژنە و لە جەژنا کینە نامێنێ
ئەوا خۆم خستە بەر پیێ تۆ و دەخیلە دەسم و دامانت
نیگارا مەوسیمی جەژنە و نزیکە ڕۆژی ئازادی
هەموو کەس عەفو و ئازادە منیش توو خۆتو ویجدانت
عەزیزم تۆ حوکمداری و منیش کەمتەر غوڵامێکم
بەڕاسی عەیبە بۆ تۆ قین لە گەڵ کەمتەر غوڵامانت
ئەوەندە عەرز ئەکەم چاوم لە ڕیێ خوا دا جەفا بەسیە
بکە فکرێ بە حاڵی خۆت و ڕۆژی حەشر و دیوانت
نیگارا گەر بە ئەحواڵم تەرەححوم تۆ نەکەی ئەمجار
بە ڕاسی دۆزەخە جێگات لە گەڵ تەرسایە دیوانت
وەها حاڵی مەبە قوربان گوناهبار نیت لە دەرگای حەق
كراما كاتبينعەرەبی بۆ من گەواهن وان لە سەر شانت