غەمم چین چین بە دڵ بۆ زوڵفی پڕچین
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
447 بینین
غەمم چین چین بە دڵ بۆ زوڵفی پڕچین
بە داخم بۆ تەماشای خالی موشکین
وەکوو بولبول لە دووریت من بە دایم
دەناڵم ئەی نیگاری سینە نەسرین
لە ڕۆژێکۆ کە چاوم کەوت بە چاوت
فوغانم زیکرە ویردم شین و ناڵین
ئەگەر بێتو لە ڕوو لادەی نیقابت
بە کێ خۆیان بشارن مانگ و پەروین
نە وەک پەروین و مهـ خۆر بێژە گوم بێ
بە ڕۆژ گەر بێتە دەر گەردەن بلوورین
ئەمە مەشهووری ئافاتە کە مەستان
لە شیرین جاڕس و شەیدایی تورشین
دوو چاوی مەستی تۆ جانا عەجیبە
دەبن خۆشحاڵ بە قەتڵی ڕۆحی شیرین
وەکوو مینەناسناوی ئەدەبی ئەگەر بم دەیتێ ماچێ
ئیتر خوێنم حەڵاڵت بێ بە گشت دین