بریندارم بە پەیکانی دوو چاوی
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
486 بینین
بریندارم بە پەیکانی دوو چاوی
گرفتارم بە داوی زوڵفی خاوی
من و عەشقی بە سانی ئار و نەوتین
لەبەر چی پێم ئەڵێن بۆ تۆ سووتاوی
مەکەن مەنعم ڕەفیقان قەت لە عەشقی
کە دڵ وەک کوڕکوڕە و ڕووی ئەو هەتاوی
وتم بولبول وەرە عەهدێ ببەستین
نەبیت پاشگەز هەتا ئەو ڕۆژە ماوە
ئەبێ وەک من لە چاوت خوێن بڕێژی
وتی من بەندەیی عەشقم عەزیزم
ئەگەر تۆیش هەر وەکوو من لێ بڕاوی
هەتا مینەناسناوی ئەدەبی گرفتاری بە داوی