بە غەمزەی چاوەکانت خوێنی منی بێچارە مەڕێژێنە
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
322 بینین
بە غەمزەی چاوەکانت خوێنی منی بێچارە مەڕێژێنە
بە خوێنم تینوون خوێنم بە ئەو خوێنخوارە مەڕێژێنە
بە شوعلەی نووری ڕووت نییە دڵ تو بی خوا دولبەر
فەڕەنگی تیپی برژانگت ئە ناو ئەم شارە مەڕژێنە
بە بێ سووچ کەس نەکوژراوە ئەمن جورمم چییە جانا
بە ناحەق مەمکوژە ئەم ئاوە تۆ ئەم جارە مەڕێژێنە
قیامەت هەڵ ئەسێ گەر هەوری پەرچەم دا بپۆشی ڕووت
عەزیزم زوڵفی سەر خورشیدی ئەو ڕۆخسارە مەڕژێنە
نگارا مەیکەرۆ ئەو پەلکە هۆناوەت دەخیلت بم
گەلی دیوانە تۆ و هەردە و کۆسارە مەڕژێنە
بە ئاهی سەرد و ئاوی چاوی من بۆ باغی عومری تۆ
بە مەنعم تۆ لە ماچت ئاگر ئەو گوڵزارە مەڕژێنە
جەفا بۆ تۆ وەفا بۆ دوژمن و ئەغیارە سا مینەناسناوی ئەدەبی
ئیتر قەهری سکی خوێنین لە لای ئەو یارە مەڕژێنە