بە بەردی دووری باڵاکەت شکاندت شووشەیی سەبرم
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
318 بینین
بە بەردی دووری باڵاکەت شکاندت شووشەیی سەبرم
ئەجەل میوانە قەبر هەڵکەن ئەوا ڕۆیینە سەر قەبرم
بە ئاری دووریەکەت جانا ئەوا سووتا سەراپای من
هەر ئەووەڵ ڕۆژ قەرارت دا ئەبێ لەم ئارەدا بمرم
بە ئاگر تۆ منت سووتان و خاڵق مانعی ئارە
لە دیوانی خوا شەرتە نگارا یەخەکەت بگرم
ئیلاهی گیر نەبێ ئاهم لە دونیادا بە جوانی یار
لە حەشرا بیکە شەرعی من ئەگەر ئیسلام ئەگەر گەبرم
ویساڵ بۆ من وەکوو عەنقایە ئیسمی بێ موسەممایە
بە چاو نابینم ئەو ڕۆژەی هەتا ڕۆژێ ببێ عومرم
وەکوو مینەناسناوی ئەدەبی لە دووریتا بە ئاری جەرگ و دڵ سووتام
خواوەندا بە لوتفی خۆت لە گەڵ ئەو شۆخە بێ حەشرم