پێم بڵێ جانا ئەتۆ قەد عەرعەری یا گوڵ بەنی
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
525 بینین
پێم بڵێ جانا ئەتۆ قەد عەرعەری یا گوڵ بەنی
قامەتت تووبایی جەننەت یا کوو سەروی گوڵشەنی
یاسەمەن یا نەستەرەن یا سونبل و گیسوویی تۆ
چاوی مەستت پیاڵەیە یا نەرگسی نەو چیمەنی
لالەیە، گوڵباغە یا کوو ڕەنگی لۆکسی جەرمەنی
ئەختەرە یا ئەخگەرە یا ڕەنگی لۆکسی جەرمەنی
بۆچ بووە مەقبووڵی بەرچاوی عەوام و خاس و ناس
هەر بە زیبا سوورەتی و خوب ڕوویی و ئەحسەنی
هەر لە ئەووەڵ ڕۆژی دەوران تا کوو ئەمڕۆ دیویە کەس
ساکنی سەر بەدری ڕەخشان و هیلاکی سەوسەنی
دوو هیلال و دوو شەو و دوو سوبحی سادق ڕێک ئەخەن
چینی زوڵف و ئاب و ڕەنگی کوڵم و ئەبرۆی سەوسەنی
دەم قوتووی ئەڵماسە یا پڕ گەوهەر و مروارییە
لێوت یاقووتە عەقیقە یا کوو لەعلی مەعدەنی
دوو مەمە دوو سێوە یا دوو پرتقاڵی خۆش مەزەن
یا دوو گۆی زیوە و لە ناو زیوایە جێگە و مەسکەنی
مینەناسناوی ئەدەبی زوڵفی پڕ چینی یار لەسەر خورشیدی ڕووی
شەمسی ڕەخشانی خەجاڵەت کرد بە بشکەن بشکەنی