نازەنین نازت دەکێشم من بە سەد عینوانەوە
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
581 بینین
نازەنین نازت دەکێشم من بە سەد عینوانەوە
من بە قوربانت ئەبم قوربان بە ڕۆح و گیانەوە
تۆیش لەبەر خەوفی خودا ڕەحمت ببێ ئەی گوڵ بەدەن
بێژە بەو چاوانە ئازیز تۆ لە ڕووی ویجدانەوە
یەک کەڕڕەت خوێنم بڕێژن ڕۆح دەرێنن بمکوژن
نەک هەموو وەخت و سەعاتێ بمخەنە گیاندانەوە
بۆ ئەزێت و دڵ بە خوێن بوون ڕووت کە پۆشی کافییە
بۆ چی ئەمخەیتە بەر دەسڕێژی ئەو چاوانەوە
عاشقێکی قوڕ بە سەر وەک من ئەبێ چی بێ لە دەست
چاوەڕێی لوتفی بکا دولبەر لە ڕووی ئیمانەوە
تۆیش وەها سەیرم ئەکەی وەک دوژمنێکی خوێنەخۆی
دەست بە بڕنەوا وەسابێ ئەو بە سەر مەیدانەوە
لێو شەکەر دولبەر کەنی و بوو بە خوێنی عاشقی
عاشقی بەدبەخت ئەبێ چبکا بە دەست جانانەوە
غەیری سەردانان لە ژێر شمشێری ئەبرۆی دولبەرا
یا وەکوو مینەناسناوی ئەدەبی بناڵێنێ بە سەر کێوانەوە