ڤەژینبوکس > مینە جاف > دیوانی مینە جاف > من لە چاوت چاوەکەم سەوداسەرم وەک پیاوی گێژ

من لە چاوت چاوەکەم سەوداسەرم وەک پیاوی گێژ

لە کتێبی:
دیوانی مینە جاف
بەرهەمی:
مینە جاف (1911-1965)
 1 خولەک  437 بینین
زمان:
کوردیی ناوەندی
قاڵب:
غەزەل
کێش:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
ڕاپۆرتی هەڵە
فۆنت:
من لە چاوت چاوەکەم سەوداسەرم وەک پیاوی گێژ
مەست و مەخموورم نەدیوە خوێن خواری و خوێنڕێژ
تیری برژانگ و برۆت کارێکی وایان کرد لە دڵ
هیچ دەمێ نایکەن بە دڵ سەد خەنجەر و شمشێری تێژ
چاوەکەم مەعلووم ئەزانم چاوەکانت ئەمکوژن
تو خوا بیرە ئە سەر مەیتم بە ئەو حەق دارە بێژ
کوشتەیی خۆمە شەهیدی عیشوەیی دیدە و برۆم
نایتێڵم بیبەیتە قەورا بێ لە قاپیما ببێژ
وەختی ئەم ئەحەد نییە نە ئەلحەد دولبەرا وەک مینە جافناسناوی ئەدەبی
بێرە سەر مەیتم عەزیزم تۆ لە جێی تەلقین و نوێژ