من چی حەڵقەی بەزم یارانی گیانی
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
447 بینین
من چی حەڵقەی بەزم یارانی گیانی
یەک یەک جەم بیەن پەی شادمانی
کۆگرتەن پەی کەیف هەر یەک جە لایێ
چەمەڕان وە ڕاکەی ساقی بایێ
فیدات بام ئامان دێرەن بێ درەنگ
باوەر برێزە شەرابی گوڵ ڕەنگ
کەچ کەر سوراحی سەر وە تۆی پیاڵە
دڵەی هامسەران بخەر وە ناڵە
وە قاقای شیشەت وە سەر پیاڵەوە
گەردی پەڕەی دڵ جوان کاڵەوە
نەیچی تۆیش وە سۆز گەرمی نەوای نەی
ئاهر دەر وە گیان مەی خوران پەی پەی
واچە موغەننیش وە نەوا و سوروور
سازدا پەرێمان بەزمی سەلم و توور
موتریبان وە سۆز نە وارگەی وێشان
وە ڕەقس ئاوەردەن دەسەی مەی نۆشان
ئنجا تۆ نەیچی و موتریب وە هەم دا
بماڵا دڵەی یاران جە خەم دا
وە نەشئەی مەی و سوزەی نەوای نەی
یاران بەو یاران شەوق و شادی کەی
بەل مینەناسناوی ئەدەبی یش وە مەیل شەوقی یارانش
شاد کات دڵ وە زەوق عومری جارانش