لەعلی سەر جقەی تاج تاجداران
مینە جاف داوای کچێک ئەکات. ماڵی کچەکە ئەڵێن ئەگەر کەریم بەگ نامەیان بۆ نەنووسێت و ڕازی نەبێت نایدەنێ. کەریم بەگیش ڕازی نییە و نامەیان بۆ نانووسێت:
لە کتێبی:
دیوانی مینە جاف
بەرهەمی:
مینە جاف (1911-1965)
2 خولەک
417 بینین
لەعلی سەر جقەی تاج تاجداران
ڕەئیس حەڵقەی گشت شەهریاران
جای هانا و ئۆمێد ئۆمیدەواران
دەوای ئێش سەخت دەروون ئەوگاران
کار پەردازی کار بێگانە و خوێشی
دەسگیری گرۆی خەستەی دڵ ڕێشی
پرسیار کەردەی حاڵ پەشێو ئەحواڵی
ئاوی کزەی جەرگ دەروون زوخاڵی
ئاهم جە قوببەی گەردوون کەردەن سەر
چ عەجەب جە لات نەکەردەن گوزەر
شەوان تا وە ڕۆ مەسووزۆ جەرگم
خوا مەزانۆ ئاوات وە مەرگم
یا شا وە تاقیق یە مەعلووممەن
جە بەد ئقباڵی و ناڵەی شووممەن
بۆی کزەی کەباب دڵەی ڕەنجەڕۆ
نەکەردەن مەشام شامەی زاتی تۆ
ئەمجار بەشقی عەشق سەرداری عالەم
سەییدی سەروەر ئەولادی ئادەم
ببەخشووم وە جاهـ مستەفای موختار
ڕەحمت بۆ وەسەن مەدەرووم ئازار
بکەرۆ دەوای دڵەی پڕ دەردم
بدەرۆ تەسکین هەناسەی سەردم
تەحریر کەر وە لوتف شیرین نامەی
بکەر خەڵاتم ڕەشحەیی خامەی
بەل بۆ وە دەوای زامانی کاریم
شیفا بۆ پەریێ دەروون ئەوگاریم
شاهم وە تاقیق چەنیت عەیان بۆ
سەوگەندم وە زات پاکی یەزدان بۆ
بیللا یە ئاخر نامەی ڕەجامەن
بەینێوەن وەی ڕەنگ لاڵە و نزامەن
شەفیع بۆ جە لات جبرەئیل ئەفزەل
باز تکا کاربۆ سەییدی مورسەل
خیتام دەر وە کار مینەناسناوی ئەدەبیی سیابەخت
وەش کەرۆ دڵەی گرتەی زامی سەخت