le’lî ser ciqey tac tacdaran
mîne caf daway kiçêk ekat. małî kiçeke ełên eger kerîm beg nameyan bo nenûsêt û řazî nebêt naydenê. kerîm begîş řazî nîye û nameyan bo nanûsêt:
Li pirtûka:
Dîwanî Mîne Caf
Berhema:
Mîne Caf (1911-1965)
2 Xulek
408 Dîtin
le’lî ser ciqey tac tacdaran
ře’îs ḧełqey gişt şehryaran
cay hana û omêd omîdewaran
deway êş sext derûn ewgaran
kar perdazî kar bêgane û xwêşî
desgîrî giroy xestey dił řêşî
pirsyar kerdey ḧał peşêw eḧwałî
awî kizey cerg derûn zuxałî
ahim ce qubbey gerdûn kerden ser
çi ’eceb ce lat nekerden guzer
şewan ta we řo mesûzo cergim
xwa mezano awat we mergim
ya şa we taqîq ye me’lûmmen
ce bed iqbałî û nałey şûmmen
boy kizey kebab diłey řenceřo
nekerden meşam şamey zatî to
emcar beşqî ’eşq serdarî ’alem
seyîdî serwer ewladî adem
bibexşûm we cah mistefay muxtar
řeḧimit bo wesen mederûm azar
bikero deway diłey piř derdim
bidero teskîn henasey serdim
teḧrîr ker we lutif şîrîn namey
biker xełatim řeşḧeyî xamey
bel bo we deway zamanî karîm
şîfa bo peryê derûn ewgarîm
şahim we taqîq çenît ’eyan bo
sewgendim we zat pakî yezdan bo
bîlla ye axir namey řecamen
beynêwen wey řeng lałe û nizamen
şefî’ bo ce lat cibre’îl efzel
baz tika karbo seyîdî mursel
xîtam der we kar mîneNasnava edebîy syabext
weş kero diłey girtey zamî sext