سەیری ئەم باڵا دەڵێی سەروی هەڵچووە
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
503 بینین
سەیری ئەم باڵا دەڵێی سەروی هەڵچووە
پەرچەمی خاوی دەڵێی وا سونبولە پەخشان بووە
کێ ئەمەی دیوە ڕەفیقان وام لە بەحری حیرەتا
وا لە ناو بەدری دوو هەفتم دا هیلالی یەکشەوە
زوڵفی وەک زوننارە ئاڵاوە لە دەوری شەمسی ڕووی
ئەی مەلا ئێوە و خوا، کافر ئە جەننەت کەی چووە
خاڵی مەفتوونی لەسەر سەفحەی گوڵی کوڵمی ئەڵێی
هیندویی ئاگر پەرەستە سەر قوبەی نوور کەوتووە
هەر ئەڵێی لەعلە کراوە نەسبی ئاوێنەی بلوور
لێوی ئاڵی حەق کە نەقشی ناو خۆری ڕووی کردووە
خۆ ئەڵێی ئاوی حەیات چەشمەی لە ناو تاریکییە
وا بە عەکسی شەوق ئەدا لەو غەبغەبە نوورینەوە
بێرەوە مینەناسناوی ئەدەبی تەماشا کە لەمە سەودا سەرم
سەیریکە بڕوانە عەرعەر پرتەقاڵی گرتووە