فیراق ڕیشەی لە بن هێنام ڕەفیق تو خوا دەوام چی بێ
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
469 بینین
فیراق ڕیشەی لە بن هێنام، ڕەفیق تو خوا دەوام چی بێ
هیلاکم گیان ئەدەم، چی بکەم دەخیلە من شیفام چی بێ
لە ژێر ساتا فەڵەک ئامان دەبێژە من خەتام چی بێ
بە کامی دڵ نەبوو ڕۆژێ دەبێ سووچ و گونام چی بێ
دەسووتێم هەر وەکوو قەقنەس دەناڵێم وەکوو قومری
دەسووڕێمۆ وەکوو مەجنوون لەمە بەدتر جەزام چی بێ
نیشانەی تیری بەدبەختی و بەڵا و میحنەتم دایم
لە بەر گیانم خۆشە چونکە لە دولبەر دی سزام چی بێ
دەزانم مینەناسناوی ئەدەبی لەم دەردە ڕەها نابم هەتا ئەمرم
ئەگەر ئەو شۆخە بینێرێ بە مەرگیش من ڕەزام چی بێ