سەرداری سەروەر فەخری زینگانیم
ساڵی ١٩٤٠ شاعیر بە دڵ گرانییەوە کەلاری بە جێ هێشت و چوو بۆ ئاوایی «گۆبان» لە ڕۆژهەڵاتی کەلارەوە. کەریم بەگی باوکی ئەنێرێ بەشوێنیدا، مینە جاف ناگەڕێتەوە و بەم شیعرە وەڵامی باوکی ئەداتەوە:
لە کتێبی:
دیوانی مینە جاف
بەرهەمی:
مینە جاف (1911-1965)
2 خولەک
381 بینین
سەرداری سەروەر فەخری زینگانیم
ئاودێری گوڵزار عومری جوانیم
جەلا دەهەندەی نووری بیناییم
سایەت نە جاگەی کەوکەبەی شادیم
ستارەی ئیقباڵ لەوحەی جەبینم
مایە و سەرمایەی دووکانچەی ژینم
کاتێ مەئیووس بیم نە لوتفی شاوە
ناکا دیاردا پەیکێ جە ڕاوە
من و دڵ کەفتین وە گێژی ئەفکار
خەیر بام قاسد ئاما نە کەلارناوی تایبەت
مەنین وە تەوتیش تا ئاما نەرا
دومای وەش ئاما و سەلام هات وە جا
سوپەرد نامەی عەمبەر بۆی شایی
ساوام سەروە ئەوج فەوجی سەمایی
بۆسام دام وە چەم لێش گرتم تامڵ
تا بوسان چون من دیدە و گیان و دڵ
ئەو وەخت وە ئەدەب ئیعزاز وەزم کەرد
مەتاڵای نامەی شەکور ڕازم کەرد
مەفهووم بی مەفاد گەوهەر کەلامت
یا ڕەب توڕەی تاج دەوران وە نامت
فەرمابێت نە ڕووی لوتف و قارەوە
عیتاب نەی بەندەی سیاچارەوە
قوروان من شوومی بەخت و چارەی وێم
پەی سزا و مەینەت زیادەن وە ڵێم
حاجەتش نییەن وە دەسگیری کەس
کافییەن پەرێم تا ئاخر نەفەس
ئیشارەت پەرێ ڕیجعەت کەردەبێت
فەرمابێت هورێز بێ وە ماوای وێت
گەورەم خواوەن ماواش لێم سەنەن
ڕیشەی نەشاتم جە بێخ دەرکەنەن
تا تەقدیر تەدبیر نەدۆ وە حاڵم
بێ سوودەن جە لام تەدبیری عالەم
بەتاڵەن ئەو بیر شا پەرێم کەردەن
حەرامەن چون مەی جە من تا مەردەن
فەقەت جە خەزنەی لوتفی سەرداری
ئەزڕی مەندەن پەرێم غەمخواری
وە بۆی مشکی خاس خامەی عەبیرین
بکەرۆ عەلاج بەندەی کەمتەرین
تەسکین دەر وە ئێش ئەوگاری جەستەم
تیمارکەر زامان دڵەی مارگەزتەم
شەوان تا وەڕۆ مەکردووم زاری
نە چەم مەڕێزووم ئەشکی گوڵناری
چون قەیس عەوداڵ وە ڕووی هەردانۆ
مەوانوم وە ئێش وە دەم دەردانۆ
هۆشم نەمەندەن قامم بی فانی
ئیسم شەیداکەی مەلیح تەرخانی