serdarî serwer fexrî zînganîm
sałî 1940 şa’îr be dił giranîyewe kelarî be cê hêşt û çû bo awayî «goban» le řojhełatî kelarewe. kerîm begî bawkî enêrê beşwênîda, mîne caf nageřêtewe û bem şî’re wełamî bawkî edatewe:
Li pirtûka:
Dîwanî Mîne Caf
Berhema:
Mîne Caf (1911-1965)
2 Xulek
515 Dîtin
serdarî serwer fexrî zînganîm
awdêrî gułzar ’umrî cwanîm
cela dehendey nûrî bînayîm
sayet ne cagey kewkebey şadîm
sitarey îqbał lewḧey cebînim
maye û sermayey dûkançey jînim
katê me’yûs bîm ne lutfî şawe
naka dyarda peykê ce řawe
min û dił keftîn we gêjî efkar
xeyr bam qasd ama ne kelarNava taybet
menîn we tewtîş ta ama nera
dumay weş ama û selam hat we ca
superd namey ’ember boy şayî
sawam serwe ewc fewcî semayî
bosam dam we çem lêş girtim tamił
ta busan çun min dîde û gyan û dił
ew wext we edeb î’zaz wezim kerd
metałay namey şekur řazim kerd
mefhûm bî mefad gewher kelamit
ya řeb tuřey tac dewran we namit
fermabêt ne řûy lutif û qarewe
’îtab ney bendey syaçarewe
qurwan min şûmî bext û çarey wêm
pey siza û meynet zyaden we łêm
ḧacetiş nîyen we desgîrî kes
kafîyen perêm ta axir nefes
îşaret perê řîc’et kerdebêt
fermabêt hurêz bê we maway wêt
gewrem xwawen mawaş lêm senen
řîşey neşatim ce bêx derkenen
ta teqdîr tedbîr nedo we ḧałim
bê sûden ce lam tedbîrî ’alem
betałen ew bîr şa perêm kerden
ḧeramen çun mey ce min ta merden
feqet ce xezney lutfî serdarî
ezřî menden perêm ẍemxiwarî
we boy mişkî xas xamey ’ebîrîn
bikero ’elac bendey kemterîn
teskîn der we êş ewgarî cestem
tîmarker zaman diłey margeztem
şewan ta weřo mekirdûm zarî
ne çem meřêzûm eşkî gułnarî
çun qeys ’ewdał we řûy herdano
mewanum we êş we dem derdano
hoşim nemenden qamim bî fanî
îsim şeydakey melîḧ terxanî