ئەی چەرخی فەلەک چەرخی نیل ڕەنگ
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
370 بینین
ئەی چەرخی فەلەک چەرخی نیل ڕەنگ
ئەی بەحری مەینەت پڕ پەیچوونەی ڕەنگ
بە خوا دەمێکە سەرم سوڕماوە
شێت و عەوداڵم بە ئەم سەوداوە
بۆ لێل هەموو کەس شەرت و قەول ئەکەی
لە گەڵ هیچ کەسێ ئە سەری نابەی
بۆ هیچ کەس لە سای تۆ نەحەساوە
بۆچ بۆ هیچ کەس خێرت نەداوە
بۆ چی نازانی بێ قەول ڕوو ڕەشە
لە ڕەحم و بەخشش خودا بێ بەشە
ئەگەر ئەپرسیت شەرەف وەفایە
درۆزن ڕوو ڕەش دەرگای خودایە
بێ شەرت و پەیمان وەک سەرسەرییە
ڕوو ڕەشی دیوان پێغەمبەرییە
نجاة في الصدقعەرەبی تەماشا بکەی
لەم بێ شەرتییە زوو حاشا دەکەی